كيف تجعل جهازك أسرع في الأداء ؟

بسم الله الرحمن الرحيم

الموضوع النهاردة سهل و بسيط للغاية ... و هوه انك أزاي تخلي جهازك احسن من الأول

أكيد ممكن تكون حاسس ببطيء فى الجهاز ... أو مش مستريح أوي ...

عموما خطوات سهلة جدا وبسيطة جدا هتخليك فعلا تحس بأختلاف في أداء الجهاز عن الاول .

بس أنا عايز أقولك أن سبب البطيء راجع لأن الجهاز ممكن يكون عند بدء التشغيل بيفتح برامج كتيرة انت عاملها Setup

يعني بالبلدي كدة جنب الساعة عندك أيقونات كتيرة أوي Messenger مثلا بيفتح لوحده عند بداية التشغيل أو winamp أو Real Player ... وهكذا البرامج كتير لا حصر لها ...

المهم ان كل دة بيتعب الجهاز وبياخد من سرعته ومن الذاكرة اللي هيه ... RAM

و يا سلام بقي لو انت الــ RAM بتاعت (الذاكرة) مساحتها قليلة ... كدة مشكلة كبيرة أوي

لأن اللي عنده RAM مساحتها كبيرة مش هيحس بالمشكلة دي لكن برضوه هتفرق معاه وهتخلي جهازه أسرع ...

المهم بعد ما شرحنا نيجي بقي للخطوات :

أفتح كلمة Start ثم Run ثم كتابة كلمة msconfig

اكتبها زي ما هية بالظبط ...

المهم هيفتحلك Window جديد

هتختار اّخر كلمة Startup

هتلاقي قدامك علامات صح كتيرة أوي المهم هنا بقي انت تقدر تزيل أي برنامج بيبدأ مع تشغيل الجهاز

والمقصود بالازالة يعني تزيل عنه إمكانية تشغيله فور تشغيل الجهاز مش تزيل البرنامج نفسه يعني من الاّخر متخفش البرنامج هيفضل زي ما هوه وهتشتغل بيه برضوه عادي جدا ...

هتشيل علامة الصح عن إسم البرنامج وبعدين هتدوس ok

الجهاز هيطلب منك يعمل Restart

ولما يشتغل الجهاز تاني هيبعتلك رسالة يقولك أنت غيرت حاجات عند بداية الجهاز يعني مجرد تنبيه ...

المهم الرسالة دي هيكون فيها مربع تعلم فيه علامة صح ودوس ok

عشان لما تفتح الجهاز تاني ميجيبلكش الرسالة دي تاني ...

و إن شاء الله اللي يعملها يلاقي اختلاف معاه في أداء الجهاز و لو بسيط ... أو ممكن تكون انت شخصيا مضايق انك أول لما بتفتح جهازك بيشتغلك برنامج و عايز تحذف إمكانية أنه يفتح لوحده أول لما بتفتح جهازك ... أكيد الطريقة دي هتساعدك أن شاء الله ...

ملحوظة هامة طبعا هتلاقي في علامات صح تانية كتيرة منها طبعا برنامج
الـــ Anti Viurs و لازم تسيبه شغال لأنه بيحميك وهتلاقي حاجات تانية تبع
الـــ System لازم تسيبها .

المهم أننا بعد ما عرضنا الموضوع وصلنا لمفاهيم و معلومات جديدة و جيدة إلي حد ما ...

عالأقل عرفنا يعني أن الــ RAM هي ذاكرة الجهاز و مسئولة عن سرعته ... وعرفنا الأمر msconfig

اللي بنكتبه في Run

اتمني أن الجميع يستفيد

و إلي لقاء مع معلومة جديدة إن شاء الله ..

تحياتي لكم جميعا .